Nga një skuqje e lëkurës në një sëmundje të vërtetë me emrin “Rosacea”

Rosacea

 

Rosacea është një sëmundje e lëkurës që shfaqet në formën e skuqjes, akne dhe puçrra në fytyrë. Shumë njerëz besojnë se Rosacea është një lloj akne por ajo nuk është e vërtetë.

Rreth 10 për qind e të rriturve vuajnë nga kjo sëmundje dhe kjo ndikon kryesisht tek njerëzit me lëkurë të zbehtë dhe ata persona që skuqen lehtësisht nga stresi apo aktiviteteve fizike

Kur lëkura është shëruar atëherë ju duhet të vazhdoni të jeni ende të kujdesshëm ndaj faktorëve të cilët mund të keqësojnë sëmundjen siç përshkruhet më sipër, për shembull, rrezet e forta të diellit. Një lloj mjekimi i vazhdueshëm mund të jetë i nevojshëm

SIMPTOMAT

Fillimisht paraqitet një skuqje e lehtë.

Puçrra të vogla të skuqura dhe një sipërfaqe e dëmtuar e lëkurës, një pjesë e së cilës është e mbushur edhe me qelb.

Skuqje dhe inflamim
Kapilarë gjaku të tejdukshëm në fytyrë
Skuqje e syve dhe kapakëve të syrit

Faktorët që e  përkeqësojnë gjendjen

Gjatë kohës së sëmundjes mund paraqitet një rritje progresive e skuqjes së lëkurës e shkaktuar nga enët e gjakut. Për këtë arsye ju duhet të shmangni çdo gjë që ka efekt në zgjerimin e kapilarëve të gjakut.

Këtu përfshihen, dielli i fortë dhe nxehtësia, sauna, temperaturat shumë të ulta të  dimrit, pije të nxehta (supë e nxehtë, lëng mishi, ose çaj), kafe në sasi të mëdha, alkoholi i fortë dhe melmesat pikante.

 Prodhime të kozmetikës dhe veçanërisht kremi, mund ta përkeqësojnë sëmundjen. Faktorët psikologjik dhe stresi kanë gjithashtu një ndikim në përkeqësimin e gjendjes. Shkaku i sëmundjes nuk dihet,

por mendohet se shkaktar mund të jetë një çrregullim në gjendrrat dhjamore në rrënjët e qimeve. Nuk ka asnjë dokumentim se sëmundja është shkak i faktorëve alergjike.

Edhe një përdorim i gjatë i kremrave të fortë me kortizon sidomos në fytyrë mund të shkaktojë rosacean. Mendohet se edhe mekanizmat që e kontrollojnë funksionimin e enëve të gjakut në lëkurë në një fare mënyre shkaktojnë inflamim.

Në këtë sëmundje është konstatuar një skuqje e lëkurës, zakonisht mbi hundë dhe faqe, ndonjëherë edhe mbi ballë dhe në pjesën rreth gojës. Kapilarët e imtë të gjakut mund të shihen shpesh në pjesët e skuqura të lëkurës ku edhe vetë skuqja është më intensive.

Përveç kësaj, aty janë të shpërndara puçrra të vogla apo të mëdha të inflamuara e që ndonjëherë i ngjajnë lungeve ( ciban, ithatë)

Mjekimi

Për trajtim përdorni gel Metronidazol ose krem apo gel azelea acid. Efekte të mira mund të shihet me krem sulfurik që përdoret në mbrëmje.

Një kohëzgjatje normale për trajtimin e rosacea është 3-6 muaj, ndonjëherë edhe më gjatë. Disa terapi të vazhdueshme të mirëmba jtjes mund të jenë të nevojshme për të shmangur përsëritje.
Në raste të rënda, trajtimi bëhet edhe me tabletë tetracykline. Ky është në fakt një antibiotik, por që ka efekt frenues në inflamacion. Përveç kesaj, ndikon në enët e gjakut të lëkurës në mënyrë të favorshme dhe ngadalë mënjanon skuqjen e lëkurës.

Tabletat janë dhënë në fillim me një dozë të lartë dhe pastaj ngadalë zvogëlohet vetëm 1 tabletë në ditë, dhe pastaj të vazhdojë me këtë dozë për një kohë të gjatë. Nëse ndërpritet terapia atëherë sëmundja do të paraqitet përsëri.

Trajtimi me antibiotik zakonisht zgjate 3-6 muaj apo edhe me gjatë.

Tetraciklinat për një kohë të gjatë janë përdorur për trajtimin e sëmundjeve të lëkurës dhe trajtimi i përshkruar është përdorur në periudha të gjata, ndonjëherë edhe me vite, pa vërejtur kudërindikacion serioz.

Tableta duhet gëlltitur me ujë dhe mundësisht të merren me stomak të zbrazët – një orë para ose pas ushqimit.

Gjatë trajtimit me antibiotikë nuk duhet të merren njëkohësisht edhe barëra të tjera.

Ka pasur raste kur janë paraqitur, diarre, gazëra, kruarje në organet gjenitale etj. Natyrisht kontrollime të rregullta duhen bërë tek mjeku, që të përcaktojë mjekim të mëtejshëm.

 

Artikuj të ngjashëm:


Comments are closed.