Revista SHQIP

REVISTA SHQIP është një revistë e përmuajshme me tema të interesit të përgjithshëm nga: Politika, Kultura, Arti, Historia, Sociale dhe Argëtuese me ngjarjet dhe zhvillimet kryesore në Shqipëri dhe jashtë saj.
Revista është produkt i një stafi profesional dhe me përvojë shumëvjeçare, të drejtuar me sukses nga Z. Arian Konomi. Në të bashkohen shumëllojshmëria e temave të trajtuara me ekzekutimin funksional grafik si dhe realizimin cilësor përfundimtar të saj (shtypja e kompletimi).

Përgjatë shtatë viteve të botimit, revista ka arritur të krijojë një lidhje të fortë me lexuesin e saj, të cilët i përkasin grupmoshës 18-45 vjeç, femra dhe meshkuj, me profil social të gjerë.

Revista Shqip ka një tirazh mesatar mujor prej 3500 revistash në muaj (min: 1500 në muajin shkurt, max 5500 në muajin gusht) e shpërndarë gjeografikisht në të gjithë Shqipërinë.
Në 100 faqet e saj revista ofron një shumëllojshmëri rubrikash të përhershme, ku më kryesoret janë:

Politika: Është një rubrikë, ku përveç një pasqyre përmbledhëse me lajmet më kryesore të javës ofrohen edhe analiza mbi zhvillimet më të fundit, të arenës politike në Shqipëri dhe rajon.

Personazh: Çdo muaj, vjen për lexuesin një rrëfim ekskluziv i një personazh të rëndësishëm nga fusha të ndryshme, si arti, muzika, kinematografia, sporti etj. Është një rubrikë e trajtuar me mjaft kujdes dhe që përpiqet të sjellë çdo herë risi.

Sociale: Trajtohen tema të ndryshme që kanë të bëjnë me aspekte të jetës së përditshme, por njëkohësisht edhe këshilla apo vrojtime.

Profil, Intervista: Ju njeh me të rejat, misteret, aventurat, projektet profesionale nga jeta e personazheve të njohur shqiptarë, që jetojnë brenda dhe jashtë kufijve të vendit, si në Kosovë, Maqedoni, Mal të Zi. Çdo gjë është e ilustruar me fotografi që realizohen eskluzivisht për revistën. Nuk mungojnë edhe informacionet rreth yjeve botërorë të artit, muzikës, sportit dhe kinemasë.

Shëndeti: Është rubrika që vjen në formën e këshillave për jetën dhe shëndetin, fitness-in, gastronominë, marrëdhëniet ndërnjerëzore si dhe kuriozitete e këshilla orientuese.

Dossier: Trajton ngjarje të rëndësishme në historinë shqiptare dhe botërore.

Në Revistën Shqip do të gjeni edhe shumë rubrika të tjera interesante e argëtuese, si horoskopi, fjalëkryqet, lojra zbavitëse dhe pyetësorë rreth personalitetit dhe marrëdhënieve ndërpersonale.