Një gotë verë ka më shumë vlera se ç’mund të mendojmë. Zhvillon trurin, mbron kujtesën, lufton qelizat kanceroze apo forcon imunitetin. Për më tepër, një gotë verë mund të konsumohet kurdo, në kohë dimri dhe vere

Ushqen trurin

Një nga vlerat më pozitive të verës ka të bëjë me zhvillimin e kujtesës. Një gotë verë bën gjithmonë mirë sepse jo vetëm e ushqen trurin, zhvillon kujtesën por dhe e mbron atë. Një sondazh bërë grave të moshës 70 vjeçe rezultoi më i suksesshëm për ato që konsumonin verë në krahasim me ato që nuk e pinin fare. Vera parandalon mpiksjen e gjakut dhe redukton inflamacionin e enëve të gjakut, ku secila prej tyre është e lidhur me sëmundjen e zemrës. Kështu ka shpjeguar Tedd Goldfinger, një nga studiuesit e universitetit të mjekësisë në Arizona. Alkooli gjithashtu duket se rrit edhe hdl-në, kolesterolin e mirë, që i duhet trupit.

Tretë kalori

Studimet kanë treguar se njerëzit që pinë verë çdo ditë kanë një peshë trupore më të vogël, ( më të lehtë) se sa ata që e pijnë me raste. Pijësit e moderuar kanë më pak yndyrë në trup, se ata që konsumojnë më pak pije. Alkooli mund të nxisë trupin tuaj për të djegur kalori ekstra. Kjo vlen sidomos pas 90 minutave pasi keni konsumuar një gotë të tillë. Birra duket se ka efekt të ngjashëm.

Forcon imunitetin e trupit

Sipas një studimi britanik, ata që pinin afërsisht një gotë verë në ditë ishin më pak të prekshëm ndaj baktereve ‘Helicobacter pylori’, i cili shkakton gastrit dhe ulcerë të stomakut.  Nëse konsumohet qoftë edhe një gjysmë gote do të kishte shumë rëndësi pasi trupi juaj mbrohet ndaj mikrobeve të salmonelës sidomos kur njerëzit janë të ekspozuar ndaj ushqimit të ndotur.

Lufton qelizat kanceroze

Një studim tjetër ka treguar se një gotë verë ndihmon në zhdukjen e qelizave kanceroze. Konkretisht kjo iu bë grave të cilat nuk kishin kancer. Pikërisht një gotë verë në ditë i ndihmonte ato që të luftonin qeliza të tilla kanceroze të paktën deri në 50 për qind. Studime të tjera në universitete të tjera të botës prodhuan rezultate të ngjashme. Ekspertët dyshojnë se kjo mund të jetë për shkak të antioksidantëve, të cilët kanë përhapje të lartë të substancave antikanceroze që gjenden në verë.

Stimulon ndërtimin e kockave

Një tjetër arsye se pse duhet pirë vera është sepse ajo ndihmon në mënyrë të ndjeshme zhvillimin dhe ndërtimin e kockave.  Ata që konsumojnë më tepër verë, sidomos gratë, kanë kocka më të forta se ata që nuk pijnë. Alkooli rrit nivelet e estrogjenit, hormone që ndihmojnë në prodhimin e kockave të reja dhe mbrojtjen e të tjerave.

Parandalon diabetin

Gratë të cilat janë në fazën e para menopauzës e që konsumojnë një ose dy gota verë në ditë kanë 40 për qind më pak gjasa se sa gratë që nuk pijnë të zhvillojnë diabetin e llojit Ndërkohë nga ana tjetër studimet kanë treguar se për arsye ende të paqarta vera zvogëlon rezistencën e insulinës te pacientët diabetikë.

Vendose ne Facebook

Artikuj të ngjashëm:

• Ushqimet që luftojnë celulitin
• Frutat e detit, ushqimi që ndez pasionin
• Mitet më absurde të ushqimit
• Si ndikojnë disa ushqime në organizmin tonë
• Si ndikon kafeja në organizmin e njeriut

Nëse dimri nuk të jep kënaqësinë të zbulosh trupin dhe të vishesh më elegante, për diçka të ndihmon vërtet. Celuliti është i ‘padukshëm’. Me ardhjen e verës problemi që kanë vajzat me celulitin rritet më tepër dhe kjo i shqetëson ato. Megjithatë ka disa ushqime tipike që ndihmojnë për ta luftuar dhe parandaluar. Ja se çfarë duhet konsumuar për ta luftuar atë

Ashtu si në çdo dietë edhe nëse duam të luftojmë celulitin rekomandohet marrja e sa më shumë lëngjeve. Më së miri është që të pini ujë të thjeshtë. Uji vlen për largimin e toksinave.

Nëse preferoni të konsumoni kafe do të këshillohej që ta zëvendësonit me sa më shumë çajë. Përpiquni të përdorni çajëra bimësh sepse ndihmon në parandalimin e celulitit. Shmangni alkoolin.

Zvogëloni ngrënien e ushqimit të pasur me yndyra të ndryshme si dhe të proteinave me prejardhje shtazore. Rrisni sasinë e perimeve dhe frutave . Ndërsa hidrokarburet e thjeshta zëvendësojini me ato më komplekse.

Rrisni sasinë e ushqimit të pasur me vitaminë C (fruta dhe perime, lëngje natyrale), kalium (banane, pjeshka, portokall, apo fasule) dhe squfur (proteinat e ushqimit), mbase sepse këto ushqime i largojnë substancat e dëmshme nga organizmi duke luftuar celulitin  brendshëm.

Shmanguni ushqimet me kripë dhe erëza. Kripa ka karakter fiksues dhe kjo bën të mundur të formojë sa më shumë celulit.

Përveç ushqimeve sugjerohen edhe ushtrime fizike që ndihmojnë në parandalimin e celulitit. Një nga ushtrimet më ideale është notimi.

Nëse trupi juaj ka celulit atëherë sugjerohet të konsumoni sa më tepër ushqime që përmbajnë oksigjen. Kështu lëkura juaj do të djersijë më lehtë.

Vendose ne Facebook

Artikuj të ngjashëm:

• Vlerat e një gote verë
• Frutat e detit, ushqimi që ndez pasionin
• Mitet më absurde të ushqimit
• Si ndikojnë disa ushqime në organizmin tonë
• Si ndikon kafeja në organizmin e njeriut

Me të drejtë frutat e detit janë shndërruar në pjatën e preferuar jo vetëm në ditë të ngrohta, ku deti dhe dielli bëjnë efektin e tyre por në çdo kohë. Sepse ajo që e bën të veçantë këtë ushqim janë vlerat e pazëvendësueshme që kanë. Por jo vetëm kaq. Ato spikasin për shijen dhe pasionin që ndezin

Vlerat e veçanta

Frutat e deti janë një burim i pasur me acide yndyrore omega-3, që janë thelbësore për zhvillimin e trurit dhe funksionimin normal të tij. Konsumi i këtij ushqimi, të paktën tre herë në javë, eliminon plakjen e trurit në masën 13 për qind, duke i dhuruar atij rreth tre-katër vjet më shumë rini. Acidet yndyrore që ato përmbajnë janë të rëndësishme, pasi shërbejnë edhe si rregullatorë të shumë proceseve në organizëm. Ato ndihmojnë në uljen e triglicerideve, ulin viskozitetin e gjakut dhe tensionin arterial, si dhe reduktojnë rrezikun e aritmisë. Kështu, njerëzit që konsumojnë një vakt me peshk ose fruta deti të paktën një ditë në javë, kanë 50% më pak risk për infarkt. Ato ndikojnë në uljen e dhembjeve menstruale kur dihet se te gratë me çrregullime janë të rritura substancat inflamatore. Gjithashtu, marrja e Omega-3 ndikon në përmirësimin e krizave depresive dhe migrenën si dhe është e nevojshme te gratë shtatzëna, sidomos në periudhën e krijimit të trurit dhe syve të bebes.

Pse preferohen frutat e detit?

Është vërejtur se frutat e detit janë shndërruar në pjatën më të preferuar jo vetëm në kohën e plazhit që shijojnë më shumë se kurrë po edhe në stinë të tjera. Shumë i pëlqejnë për aromën e fortë të detit, të tjerë për fortësinë, shijen e mrekullueshme, por edhe për pastërtinë, meqenëse ushqimin dhe oksigjenin e marrin nga uji. Ato janë përcaktuar pa diskutim edhe si ushqimi ideal për një darkë romantike. Thonë se disa të tilla në darkë stimulojnë emocione dhe ndjenja pasioni. Ndërkohë fuqinë afrodiziake të tyre mund ta japin nëse konsumohen të ziera dhe me pak limon. Sekreti i fuqisë ngacmuese qëndron në substancat që ato përmbajnë, si kripërat minerale dhe në mënyrë të veçantë glikogjenit, thelbësor për kontaktimin muskulor. Këto krijesa të mrekullueshme, që jetojnë në thellësitë e deteve apo oqeaneve të përqafuara pas shkëmbinjve apo ujit për aromën dhe pastërtinë që kanë, ia vlen t‘i përdorësh edhe në darkat mondane. Këtë e thonë të gjithë ata që e njohin vlerën e misterit që fshihet brenda guaskave të tyre.

Cilat janë frutat më karakteristike?
Midhjet janë të parat që do preferonim të konsumonin pasi janë vërtet të shijshme dhe interesante në formë. Mishi i tyre ndodhet brenda një guaske me dy kapakë, të cilat mbyllen hermetikisht kur nxirren nga deti. Tuli i tyre është mjaft i pastër, pasi edhe ushqimin dhe oksigjenin e merr nga uji. Fillimisht guaskat lahen në ujë të bollshëm, duke i prerë indin lidhor. Pastaj mbulohen me kapak në një enë me ujë dhe lihen derisa ato të hapen.

Edhe pse quhet ‘peshk’, ndryshe nga peshqit e tjerë, sepja nuk ka hala në trupin e saj. Trupi i sepjes, që përbëhet nga një ind i butë, është i mbuluar me një shtresë të trashë lëkure. Me anë të muskujve nën lëkurë, një sepje mbledh ujë brenda trupit të saj dhe lëviz duke nxjerrë ujin jashtë. Është një nga frutat që ka shumë vlera pasi është e pasur me proteina.

Më pas do të përmendnim karkalecat e detit që bëjnë pjesë në grupin e krustaceve. Ekzistojnë më tepër se 50 lloje të tilla, që në varësi të vendit ku rriten dallohen për nga ngjyra, madhësia dhe shija. Karkalecat e freskët janë ato që kanë këmbët e kuqe dhe pjesën e barkut ngjyrë jeshile. Por ajo që nuk duhet harruar është fakti se karkalecat duhen gatuar gati të gjalla, për të marrë shijen e tyre të plotë.

Kallamari është një tjetër frutë i njohur për vlerat dhe shijen e tij. Është një molusk me formën e trupit të tejzgjatur. Gjatësia karakteristike e kallamarëve është 40 cm, por shumë të përhapur janë edhe molusqet me gjatësi 15-25 cm. Treten lehtë dhe pëlqehen për shkak të përmbajtjes së ulët të kolesterolit. Shijohet i zier me vaj ulliri, uthull dhe limon.

Oktapodi është një frutë që mund të gjendet lehtë në të gjitha tregjet, meqenëse mund të peshkohet në ujërat e Mesdheut. Nga pikëpamja ushqimore, si shumë molusqe të tjerë, për shkak të pranisë së madhe të indeve lidhore, shkakton pak probleme me tretjen. Përmban pak kalori dhe një përqindje të vogël kalciumi, fosfori dhe kaliumi. Përmban më pak proteina se peshqit dhe është ideal për një dietë verore.

Të fundit për t’u përmendur por jo më pak të rëndësishmet janë gaforret. Bëjnë pjesë te frutat e detit dhe dallohen për guaskën e fortë nga e cila mbrohen. Llojet e para të saj janë vërejtur në Kinë dhe më pas në ujërat e deteve të Europës Veriore. Lloji më i madh i tyre jeton në Japoni. Dallohen për mishin e butë dhe shumë të shijshëm.

Vendose ne Facebook

Artikuj të ngjashëm:

• Vlerat e një gote verë
• Ushqimet që luftojnë celulitin
• Mitet më absurde të ushqimit
• Si ndikojnë disa ushqime në organizmin tonë
• Si ndikon kafeja në organizmin e njeriut

Faktorë të caktuar ndikojnë në funksionimin e metabolizmit tonë. Por jo vetëm ato. Sjellje të ndryshme ndikojnë gjithashtu në organizmin e njeriut. Pesha, të qenurit të shëndetshëm, dieta ndonjëherë ngatërrohen sepse ushqime të caktuara kanë krijuar mite që në shumë raste mund të jenë absurde. Ja se cilat janë disa nga pyetjet përgjigjet e të cilave mendojmë se i dimë

Nëse rrimë me stomak bosh, a është e vërtetë që digjen më shumë kalori?

Po është e vërtetë deri diku, por mos prisni t’iu ndodhë ndonjë mrekulli. Nëse bëni ushtrime të ndryshme atëherë trupi juaj do të jetë në gjendje të djegë disa lloj kalorish. Duke filluar nga yndyrnat e deri te karbohidratet. Studime të fundit tregojnë se mund të digjen kalori nëse ushtroheni, meqë nuk keni kalori të marra për t’i djegur. Këtë lloj rezultati e shohim, për shembull, kur veshim prerje më të vogla nga ato që përdorim zakonisht. Ndihemi të dobët dhe të shfryrë për shkak të refuzimit të disa kalorive.

A ndihmon të pirit e ujit në humbjen e kileve?

Vetëm nëse iu bën të hani më pak. Thjesht fakti që dietës suaj normale po i shtoni shumë ujë nuk do të thotë domosdoshmërisht që të humbni peshë. Por nëse konsumoni ujë në vend të pijeve me sheqer apo gaz, atëherë kaloritë tuaja mund të digjen më shpejt.

A janë të mbrojtura karrotat e fëmijëve me zbardhues, lloj kimikati?

Jo tamam, dhe nuk ka asnjë arsye për mos t’i ngrënë, thotë Randy Worobo, profesor i mikrobiologjisë në Universitetin Cornell. Karrotat e fëmijëve janë të shpërlara (jo të mbrojtura) nga klori, për të vrarë bakteriet siç është ai i Salmonellës, që shkaktojnë sëmundje nga ushqime të tilla. Shumë prej sallatërave që përdorim kanë këtë lloj shpërlarje që na bën më të kujdesshëm dhe më mirë shëndetit tonë.

A shkakton diabet ngrënia e tepërt e sheqerit?

Jo në atë mënyrë që të konsumuarit e cigares mund të shkaktojë kancer. Por studimet kanë treguar se sheqeri mund të ketë ndikimin e tij, dhe sigurisht që sugjerohet të kufizohet doza e tij. Mbi të gjitha, të qenurit mbi peshë e rrit rrezikun e zhvillimit të sëmundjes së diabetit, dhe të konsumuarit e sheqerit të tepërt ndikon në shtimin e peshës. Përsëri, disa studime të fundit sugjerojnë se marrja e sheqerit të tepërt mund të shkaktojë diabet, pavarësisht peshës që mund të keni.

A ndikojnë ushqimet djegëse në metabolizmin tonë?

Do të donim nëse do të ishte për mirë! Metabolizmi ynë dhe niveli i tij ndikohet dhe përcaktohet nga faktorë të ndryshëm. Të tilla do të përmendnim gjininë, gjatësinë, peshën aktuale si dhe moshën. Këta faktorë përcaktojnë sasinë e kalorive që trupi do të djegë për të mbajtur funksionet më bazike të jetës, që ndodhin edhe kur ne flemë. Për shembull energjia që përdoret nga zemra, truri, mushkëritë etj. Të ngrënit e ushqimeve djegëse nuk mund të rrisë nivelin e metabolizmit në mënyrë domethënëse si dhe të ndihmojë në djegien e kalorive si rezultat. Edhe pse temperatura e trupit mund të rritet pak më tepër apo zemra të rrahë më shumë kur hamë ushqime të tilla, pikante, për një kohë të gjatë. Pra ushqime të tilla nuk është se kanë ndonjë ndikim kaq specifik.

A është e vërtetë që mielli zbardhet nga kimikatë të cilët janë të rrezikshëm?

Jo. Sipas disa siteve në web thuhet se mielli zbardhohet me aloxan, një lloj substance e caktuar që përdoret në laboratorët e kafshëve për të induktuar diabetin, por ekspertët thonë se nuk është aspak e vërtetë. Zbardhuesit e miellit lihen në natyrë për të marrë oksigjen për javë të tëra. Kjo bëhet për t’u shpejtuar procesi i zbardhjes në mënyrë sa më të sigurt.

Kam dëgjuar gjëra të ndryshme për sojën. A ka problem nëse konsumohet sidomos nga gratë?

Po nëse hahet si ushqim më vete, si salcë apo djath. Për shembull, në këtë mënyrë konsumohet soja në vende si Japonia apo Kina, ku rastet e kancerit të gjoksit nuk tregojnë se kanë ndryshuar. Problemi me sojën e përpunuar, të cilën e gjejmë në patatina, apo patate, është se nuk dimë sasinë e saktë të fitoestrogjenit, kimikati bimor që gjendet në sojë dhe ndikon te hormoni i estrogjenit. Kjo e bën efektin e saj të paparëshikuar në organizimin e njeriut. Dhe ekspozimi ndaj përqendrimeve të larta të fitoestrogjenit mund të stimulojë rritjen e atyre qelizave që janë përgjegjëse për estrogjenin, të cilat mund të përfshijnë shumë kancere të gjirit.

A shkakton e ngrëna pas orës nëntë të darkës rritje në peshë?

Po mund të shkaktojë, por jo sepse metabolizmi juaj papritur ngadalësohet natën, një mit i zakonshëm ky. Ka të bëjë kryesisht me sa shumë konsumoni, dhe jo se në cilën orë ju hani. Shumë njerëz hanë natën, nga mërzitja apo emocione të tjera, dhe përfundojnë duke konsumuar më shumë kalori gjatë ditës. Kalori që më pas depozitohen në formën e dhjamit.

Vendose ne Facebook

Artikuj të ngjashëm:

• Vlerat e një gote verë
• Ushqimet që luftojnë celulitin
• Frutat e detit, ushqimi që ndez pasionin
• Si ndikojnë disa ushqime në organizmin tonë
• Si ndikon kafeja në organizmin e njeriut

Ushqime të ndryshme, fruta apo perime kanë ndikime të ndryshme në organizmin e njeriut. Ato shpeshherë janë parandaluese të sëmundjeve të caktuara. Si dhe sa shpesh duhet t’i përdorim në mënyrë që të kenë sa më tepër rezultat në organizmin tonë

Arrat dhe bajamet pakësojnë rrezikun e diabetit

Nga një studim i kohëve të fundit thuhet se gratë që hanë çdo ditë 30 gramë arra kanë 30 për qind më pak gjasa për t’u prekur nga diabeti. Ndërsa tek gratë që konsumojnë çdo ditë një lugë vaj kikiriku rreziku ulet me 20 për qind. Përveç yndyrës së mirë, arrat përmbajnë edhe vitamina të shumta, minerale dhe fibra. Shkencëtarët e universitetit të Harvard në Boston përfshinë në një studim rreth 83 mijë gra të moshave nga 34 deri në 59 vjeç. Pasi kanë analizuar të gjitha të dhënat, ata vunë re se arrat dhe vaji i kikirikut ulin riskun e prekjes nga diabeti i trupit 2. Nga ky studim thuhet gjithashtu se arrat, bajamet dhe lajthitë nuk luajnë asnjë rol në rritjen e peshës trupore, siç mendohej deri më sot.

Peshku parandalon hemorragjinë cerebrale

Në një studim të botuar në një revistë të shoqatës amerikane për shëndetësinë thuhet se ngrënia e peshkut të paktën 2 herë në javë ul riskun nga prekja e hemorragjisë cerebrale në tru. Studimi të cilit iu nënshtruan 99 meshkuj, të cilët më parë konsumonin vetëm mish në dietën e tyre dhe që ishin shtruar në spital si pasojë e shfaqjeve të simptomave që çojnë në këtë sëmundje, arriti në përfundimin se mishi i peshkut ndihmon në parandalimin e sëmundjeve të hemorragjisë cerebrale falë acidit yndyror që ai përmban dhe që ndihmon në qarkullimin e gjakut. Gjatë këtij studimi shkencëtarët nuk u bazuan në ndonjë lloj të veçantë peshku, gjë që tregon se nuk ka rëndësi lloji apo madhësia.

Shega ndihmon zemrën, gjakun, tretjen

Lëngu i shegës shuan etjen, nxit oreksin dhe ndihmon në tretjen e ushqimit. Me shumë sukses përdoret edhe në sëmundjet e stomakut dhe të zorrëve, është freskues dhe mënjanon helmet e organizmit. Ai mund të përdoret edhe për heqjen e njollave dhe rrudhave të fytyrës. Lëngu i shegës mund të quhet edhe ilaç i çmuar për zemrën. Sipas një studimi izraelit, pirja e një gote me lëng shege çdo ditë do të parandalonte në formimin e pllakëzave në enët e gjakut, duke ulur kështu rrezikun për t’u prekur nga arterosklerozat.

Vaji i ullirit zgjat jetën

Studimet e ndryshme kanë treguar se vaji i ullirit luan një rol të rëndësishëm në mbrojtjen ndaj disa sëmundjeve. Ndër shekuj është protagonist i padiskutueshëm i dietave mesdhetare, duke ndikuar në uljen e vdekshmërisë nga sëmundjet kardiovaskulare e duke çuar në parandalimin e disa lloje tumoresh, sidomos atij të gjirit. Meqenëse është i pasur edhe me yndyra të pangopura, ai eliminon ndjeshëm rrezikun për t’u prekur nga sëmundjet e zemrës, pasi ul nivelin e kolesterolit që grumbullohet nëpër arterie. Po ashtu, dietologët dhe mjekët këshillojnë që, nëse dëshironi të keni një jetë të gjatë dhe të shëndetshme, ky produkt fisnik i dalë nga ulliri duhet të jetë i pandashëm nga tavolinat tuaja.

Çfarë kurojnë disa fruta dhe perime

Pjepri- Largon pagjumësinë, bën mirë për kancerin e zorrëve dhe të lëkurës. Duhet konsumuar i ftohtë.

Qershia- Bën të mundur uljen e nivelit të kolesterolit në trup dhe ndihmon në heqjen e kileve të tepërta.

Dardha- Ky frutë bën mirë për forcimin e zemrës dhe damarëve si dhe për presionin e ulët të gjakut.

Speci -Është nga perimet bazë për organizmin e njeriut, rigjeneron lëkurën, bën shumë mirë për flokët dhe thonjtë.

Brokoli - Pakëson rrezikun e kancerit të stomakut dhe të tubit të ushqimit. Gjithashtu bën të mundur evitimin e sëmundjeve të kockave.

Karota- Jep energji dhe stabilizon nivelin e kolesterolit. Duhen konsumuar të paktën dy karota në ditë.

Kastraveci - Rinon muskujt dhe i jep elasticitet qelizave të lëkurës, mban të freskët memorien.

Hudhra- Ul tensionin, ndalon mpiksjen e gjakut.

Fiku - Studimet të shumta mjekësore tregojnë se ky frutë vë në punë aparatin tretës dhe i jep nxehtësi trupit, duke balancuar në këtë mënyrë temperaturën.

Molla - Pastron veshkat, shëron çrregullimet në aparatin tretës. Duhet konsumuar një mollë para se të flemë gjumë, pastron në thellësi dhëmbët dhe dhëmballët.

Banania - Bën pjesë në një nga ato fruta që kurojnë zemrën, forcon muskujt dhe çlodh trupin. Duhet përdorur të paktën dy herë në javë.

Portokalli - Ky lloj agrumi shumë i dashur në të gjithë botën, të mbron nga ftohja, gripi, sëmundjet e zemrës dhe paraliza.

Rrushi- Pastron veshkat, mëlçinë e zezë dhe bën të mundur stabilizimin e rrahjeve të zemrës.

?

Vendose ne Facebook

Artikuj të ngjashëm:

• Vlerat e një gote verë
• Ushqimet që luftojnë celulitin
• Frutat e detit, ushqimi që ndez pasionin
• Mitet më absurde të ushqimit
• Si ndikon kafeja në organizmin e njeriut

Një filxhan kafe është thuajse i pashmangshëm për të gjithë. Kafeja preferohet kudo, qoftë në tavolina bisedash  apo orare të gjata pune. Megjithatë nuk duhet harruar se përveçse është një stimulant i mirë për organizmin dhe trurin ka edhe ndikime negative. Ja disa prej tyre

Përse duhet të konsumojmë kafenë:

Antioksiduesit

Kafeja është e mbushur me antioksidues sikur acidi klorogjenik dhe melanoidini. Antioksiduesit ndihmojnë në pengimin e oksidimit, proces që shkakton dëmtimin e qelizave dhe kontribuon në plakje. Melanoidinet nga kafeja e pjekur kanë efektet antioksiduese varësisht nga mënyra se si është trajtuar kafeja.

Diabeti

Konsumimi i kafesë është potencialisht proaktive kundër zhvillimit të diabetit tip 2. Një studim amerikan ka zbuluar se konsumimi i matur si i kafenesë të dekafenizuar dhe asaj të kafenizuar mund të zvogëlojnë rrezikun e diabetit tip 2 tek gratë në moshë të re dhe ato në moshë mesatare.

Ceroza e mëlçisë

Pirja e kafesë mund të mbrojë nga ç’roza e mëlçisë, veçanërisht ndaj cerozës alkoolike.

Gurët në veshka

Konsumimi i kafesë ulë rrezikun e formimit të gurëve në veshkë. Kafeja rrit vëllimin e urinës kështu ndihmon në parandalimin e kristalizimit të kalciumit të acidit oksalik, komponenti kryesor më i zakonshëm i gurëve në veshkë.

Përmirësim të performancës mendore

Kafeina në kafe është një stimulant mirë i njohur. Kafeja rrit vigjilencën, vëmendjen dhe përqendrimin. Një filxhan kafe gjithashtu mund të ndikojë në përpunimin e informacionit.

Sëmundja e alcajmerit

Konsumimi i rregullt i kafesë duket se mbron njerëzit kundër sëmundjes së alzhemerit. Një studim i fundit ka treguar që kafeneja, ekuivalent i pesë filxhanëve në ditë, ka zvogëluar ndërtimin e pllakëzave destruktive në tru.

Astma

Kafeina në kafe është e lidhur me teofilinë, një medikament i vjetër i astmës. Kafeina mund të hapë rrugët e ajrit dhe përmirësojë simptomat e astmës.

Përse nuk duhet të konsumojmë kafenë:

Sëmundja e zemrës

Lidhja mes konsumit të kafesë dhe rrezikut për sëmundje kardiovaskulare është ekzaminuar në shumë studime por rezultatet mbesin kundërthënëse. Shumica e studimeve nuk kanë zbuluar që konsumi i kafesë të jetë i lidhur me rritje të rëndësishme të rrezikut të sëmundjes kardiovaskulare. Në njërën anë përzierjet organike të natyrshme që ndodhen në kafenë e pa filtruar rrisin rrezikun për sëmundjen koronare të zemrës.

Kolesteroli

Konsumimi i tepërt i kafesë të valuar ngre nivelet e kolesterolit LDL (kolesteroli i keq). Kafeja e pafiltruar përmban dy përzierje kafestol dhe kahveol që rrisin kolesterolin.

Hipertensioni

Edhe pse konsumimi i kafesë nuk është faktor i rëndësishëm i hipertensionit, përsëri prodhon efekte jo të favorshme në shtypjen e gjakut dhe njerëzit e prirur ndaj hipertensionit mund të jenë më të cënuar. Një studim i fundit italian ka zbuluar se pirja e kafesë mund të rrisë pak rrezikun e zhvillimit të hipertensionit te persona me shtypje të ngritur të gjakut.

Osteoporosis

Pirja e kafesë mund të nxisë nxjerrë ekstra urinare të kalciumit. Konsumimi i tepërt i kafesë (4 filxhanë = 600ml apo më shumë) mundet në mënyrë modeste të rrisë rrezikun për Osteoporosis, veçanërisht tek gratë që marrin sasi të vogla kalciumi.

Gjumi

Shumica prej nesh jemi të vetëdijshëm për efektet stimuluese të kafeinës. Sasi të mëdha të kafeinës para se të flemë mund të shkaktojnë parehati dhe vështirësi në fjetje, tendencë që të zgjoheni më shpejte nga zhurma të vogla dhe zvogëlim të kualitetit të gjumit në përgjithësi.

Dehidratimi

Kafeina në kafe është diuretik i mesëm dhe mund të rrisë jashtëqitjen urinare. Ky efekt i lehtë mund të neutralizohet me pirjen e një gote ujë ekstra bashkë me kafenë.

Varësia

Kafeina është një lloj droge, stimulant i sistemit nervor qendror, ndaj rrjedhimisht prodhon varësi. Tërheqja nga kafeina është një sindromë real. Ju ndoshta mund të përjetoni disa ditë me dhembje koke dhe irritim nëse vendosni të lini pirjen e kafesë. Megjithatë për t’u shkëputur nga kafeja nuk është e vështirë. Varësia mund të zgjasë fare pak ditë.

Vendose ne Facebook

Artikuj të ngjashëm:

• Vlerat e një gote verë
• Ushqimet që luftojnë celulitin
• Frutat e detit, ushqimi që ndez pasionin
• Mitet më absurde të ushqimit
• Si ndikojnë disa ushqime në organizmin tonë

Ushqime të ndryshme, fruta apo perime kanë ndikime të ndryshme në organizmin e njeriut. Ato shpeshherë janë parandaluese të sëmundjeve të caktuara. Si dhe sa shpesh duhet t’i përdorim në mënyrë që të kenë sa më tepër rezultat në organizmin tonë

Arrat dhe bajamet pakësojnë rrezikun e diabetit

Nga një studim i kohëve të fundit thuhet se gratë që hanë çdo ditë 30 gramë arra kanë 30 për qind më pak gjasa për t’u prekur nga diabeti. Ndërsa tek gratë që konsumojnë çdo ditë një lugë vaj kikiriku rreziku ulet me 20 për qind. Përveç yndyrës së mirë, arrat përmbajnë edhe vitamina të shumta, minerale dhe fibra. Shkencëtarët e universitetit të Harvard në Boston përfshinë në një studim rreth 83 mijë gra të moshave nga 34 deri në 59 vjeç. Pasi kanë analizuar të gjitha të dhënat, ata vunë re se arrat dhe vaji i kikirikut ulin riskun e prekjes nga diabeti i trupit 2. Nga ky studim thuhet gjithashtu se arrat, bajamet dhe lajthitë nuk luajnë asnjë rol në rritjen e peshës trupore, siç mendohej deri më sot.

Peshku parandalon hemorragjinë cerebrale

Në një studim të botuar në një revistë të shoqatës amerikane për shëndetësinë thuhet se ngrënia e peshkut të paktën 2 herë në javë ul riskun nga prekja e hemorragjisë cerebrale në tru. Studimi të cilit iu nënshtruan 99 meshkuj, të cilët më parë konsumonin vetëm mish në dietën e tyre dhe që ishin shtruar në spital si pasojë e shfaqjeve të simptomave që çojnë në këtë sëmundje, arriti në përfundimin se mishi i peshkut ndihmon në parandalimin e sëmundjeve të hemorragjisë cerebrale falë acidit yndyror që ai përmban dhe që ndihmon në qarkullimin e gjakut. Gjatë këtij studimi shkencëtarët nuk u bazuan në ndonjë lloj të veçantë peshku, gjë që tregon se nuk ka rëndësi lloji apo madhësia.

Shega ndihmon zemrën, gjakun, tretjen

Lëngu i shegës shuan etjen, nxit oreksin dhe ndihmon në tretjen e ushqimit. Me shumë sukses përdoret edhe në sëmundjet e stomakut dhe të zorrëve, është freskues dhe mënjanon helmet e organizmit. Ai mund të përdoret edhe për heqjen e njollave dhe rrudhave të fytyrës. Lëngu i shegës mund të quhet edhe ilaç i çmuar për zemrën. Sipas një studimi izraelit, pirja e një gote me lëng shege çdo ditë do të parandalonte në formimin e pllakëzave në enët e gjakut, duke ulur kështu rrezikun për t’u prekur nga arterosklerozat.

Vaji i ullirit zgjat jetën

Studimet e ndryshme kanë treguar se vaji i ullirit luan një rol të rëndësishëm në mbrojtjen ndaj disa sëmundjeve. Ndër shekuj është protagonist i padiskutueshëm i dietave mesdhetare, duke ndikuar në uljen e vdekshmërisë nga sëmundjet kardiovaskulare e duke çuar në parandalimin e disa lloje tumoresh, sidomos atij të gjirit. Meqenëse është i pasur edhe me yndyra të pangopura, ai eliminon ndjeshëm rrezikun për t’u prekur nga sëmundjet e zemrës, pasi ul nivelin e kolesterolit që grumbullohet nëpër arterie. Po ashtu, dietologët dhe mjekët këshillojnë që, nëse dëshironi të keni një jetë të gjatë dhe të shëndetshme, ky produkt fisnik i dalë nga ulliri duhet të jetë i pandashëm nga tavolinat tuaja.

Çfarë kurojnë disa fruta dhe perime

Pjepri- Largon pagjumësinë, bën mirë për kancerin e zorrëve dhe të lëkurës. Duhet konsumuar i ftohtë.

Qershia- Bën të mundur uljen e nivelit të kolesterolit në trup dhe ndihmon në heqjen e kileve të tepërta.

Dardha- Ky frutë bën mirë për forcimin e zemrës dhe damarëve si dhe për presionin e ulët të gjakut.

Speci -Është nga perimet bazë për organizmin e njeriut, rigjeneron lëkurën, bën shumë mirë për flokët dhe thonjtë.

Brokoli – Pakëson rrezikun e kancerit të stomakut dhe të tubit të ushqimit. Gjithashtu bën të mundur evitimin e sëmundjeve të kockave.

Karota- Jep energji dhe stabilizon nivelin e kolesterolit. Duhen konsumuar të paktën dy karota në ditë.

Kastraveci – Rinon muskujt dhe i jep elasticitet qelizave të lëkurës, mban të freskët memorien.

Hudhra- Ul tensionin, ndalon mpiksjen e gjakut.

Fiku – Studimet të shumta mjekësore tregojnë se ky frutë vë në punë aparatin tretës dhe i jep nxehtësi trupit, duke balancuar në këtë mënyrë temperaturën.

Molla – Pastron veshkat, shëron çrregullimet në aparatin tretës. Duhet konsumuar një mollë para se të flemë gjumë, pastron në thellësi dhëmbët dhe dhëmballët.

Banania – Bën pjesë në një nga ato fruta që kurojnë zemrën, forcon muskujt dhe çlodh trupin. Duhet përdorur të paktën dy herë në javë.

Portokalli – Ky lloj agrumi shumë i dashur në të gjithë botën, të mbron nga ftohja, gripi, sëmundjet e zemrës dhe paraliza.

Rrushi- Pastron veshkat, mëlçinë e zezë dhe bën të mundur stabilizimin e rrahjeve të zemrës.

Vendose ne Facebook

Artikuj të ngjashëm:

• Vlerat e një gote verë
• Ushqimet që luftojnë celulitin
• Frutat e detit, ushqimi që ndez pasionin
• Mitet më absurde të ushqimit
• Si ndikojnë disa ushqime në organizmin tonë

Dimri është një nga stinët më të veçanta për sa i përket të ngrënit dhe konsumimit të ushqimit. Ndryshe nga vera gjatë së cilës mund të konsumojmë më pak, kryesisht fruta dhe lëngje, në dimër organizmi ka nevojë më tepër për energji, që do të thotë më shumë larmi ushqimesh. Është sitna gjatë së cilës rritet nevoja për kalori, sepse i ftohti duhet të luftohet. Ja një dietë e shëndetshme që sugjerohet nga dietologët, e shijshme dhe e lehtë për një trup të bukur

Produktet bazë që duhen konsumuar gjatë stinës së dimrit janë ato të pasurat më karotina si karotat, kungujt, domatet, patatet, spinaqi, panxhari, brokoli, rrepat. Duhen zgjedhur fruta të pasura me vitaminë C, si agrumet, dhe me vitaminë E, që ndodhet te gruri, frutat e thata, vajin e ullirit dhe patatet. Ka veprim antioksidues dhe përtëritës.

Bashkë me të ftohtit rritet edhe nevoja e përditshme energjetike, sepse një pjesë e kalorive shërbejnë për të mbajtur trupin në temperaturë optimale. Ja përse arrat, lajthitë, bajamet, kikirikët janë të këshillueshme, sepse përmbajnë një sasi të madhe acidesh yndyrore të rëndësishme për membranat qelizore, por dhe për një lëkurë të shëndetshme dhe të re.

Mëngjesi

Qumësht i skremuar (150 gramë)

Kafe

1 fetë buke e thekur

Marmelatë ose mjaltë (10 gramë)

Ose

Kos i skremuar (125 gramë)

Fruta të thata (100 gramë)

Çaj ose kafe me një lugë mjaltë

Vakti i ndërmjetëm (ora 11)

Lëng portokalli (150 gramë)

Dreka

Zgjidh mes:

Spageti me domate dhe borzilok (80 gramë)

Pasta dhe fasule (40 gramë pastë; 130 gramë fasule të freskëta; 40 gramë fasule të thata)

Sallatë perimesh dimërore në avull:

Lulelakër ose brokoli (100 gramë)

Patate (100 gramë)

Karotë  (100 gramë)

Qepë (100 gramë)

Sallatë me:

Kërpudha të prera (100 gramë)

Selino (100 gramë)

Djathë i grirë (100 gramë)

Vaj ulliri (10 gramë)

Lëng limoni

Bukë (50 gramë)

1 filxhan çaj i nxehtë me bimë tretëse

Pasditja

1 filxhan çaj me 3 biskota

Darka

Zgjidh mes pjatave të mëposhtme

-Supë:

1 vezë

Djathë furre (10 gramë)

Lëng mishi

Kripë dhe majdanoz i grirë

-Krepa me kërpudha

- Kofsha pule me limon:

- 1 kofshë pule

- lëng limoni

- 2 lugë vaj ulliri

- kripë dhe piper i zi

- Skallop qengji me verë të bardhë:

- mish qengji (100 gramë)

- verë e bardhë

- vaj ulliri (5 gramë)

- kripë dhe piper

Vendose ne Facebook

Artikuj të ngjashëm:

• Vlerat e një gote verë
• Ushqimet që luftojnë celulitin
• Frutat e detit, ushqimi që ndez pasionin
• Mitet më absurde të ushqimit
• Si ndikojnë disa ushqime në organizmin tonë

Studime të ndryshme kanë treguar se të mirat që vijnë nga vrapi janë të llojeve të ndryshme. Duke filluar me reduktimin e stresit e deri në luftimin që i bën sëmundjeve të ndryshme me origjinë kanceroze. Vrapi konsiderohet si ushtrimi më i mirë aerobik që ndihmon trupin në shumë aspekte duke i dhënë atij më shumë energji, elasticitet si dhe e bën të duket më pak i plakur edhe pas shumë vitesh. Këto dhe shumë të tjera lexojini më poshtë për të kuptuar pse duhet të vrapojmë

Redukton Stresin
Të vrapuarit, ashtu si shumë ushtrime të tjera fizike është ndihmuesi më i mirë për t’u çliruar nga emocionet negative si dhe stresi. Ai ndihmon gjithashtu edhe në çlirimin e emocioneve pozitive duke luftuar deri diku depresionin e lehtë. Studimet tregojnë se të rriturit që vrapojnë më shumë, zakonisht janë më të lumtur se ata që nuk vrapojnë. Nëse do të vraponit do të ndiheshit jo vetëm më të lehtësuar, energjik, por edhe më kreativ. Përveç të tjerash ai të ndihmon të përmirësohesh edhe në ushtrime të tjera fizike apo tërë steminën tuaj.

Ndihmon në humbjen e peshës
Humbja e kileve të tepërta është një nga arsyet fillestare pse njerëzit fillojnë vrapin. Meqenëse është një nga ushtrimet më gjithëpërfshirëse, duke përmendur këtu vënien në lëvizje të të gjitha gjymtyrëve, sigurisht që është një ndër aktivitetet fizike më efikase për të humbur peshë. Gjatë këtij ushtrimi njeriu humb rreth 100 kalori për milje. Sepse meqë ai ndihmon edhe në ndërtimin e muskujve, pjesë jo aktive e metabolizmit do të rritet që do të thotë se keni më shumë gjasa të humbisni kalori teksa pushoni. Nëse e kombinoni vrapin me një dietë të shëndetshme, do të ndieni menjëherë një ndryshim në mënyrën se si dukeni.

Të mirat që përfiton trupi
Të mirat që përfiton jo vetëm trupi por edhe mendja është se teksa vrapojmë ndodh prodhimi i disa substancave të caktuara të njohura si endorfina, që stimulojnë një gjendje të qetë dhe mirë shpirtërore. Përveç kësaj disa njerëz mund të flenë më mirë në qoftë se vrapojnë. Sidomos ata të cilët vuajnë disi nga depresioni i lehtë apo një vetëvlerësim i ulët. Të vrapuarit të stimulon sensin e vetpërmbushjes jo vetëm në aspektin shpirtëror, por edhe në atë të realizmit të qëllimeve dhe synimeve jetësore.

Të bën më të bukur
Njerëzit që stërviten përmes vrapit duke djegur më shumë kalori kanë mundësi të kenë trup më të tonifikuar sesa ata që nuk e praktikojnë këtë sport. Në fakt, ushtrimet e koordinuara me vrap janë thelbësore dhe të rëndësishme për të mbajtur trupin jo vetëm në formë të mirë shëndetësore por edhe fizike.

Redukton vitet
Për momentin ndoshta nuk mund të duket e rëndësishme por trupi juaj do të ndihet në një formë vërtet të mirë kur vitet të kenë kaluar. Gratë zakonisht e vuajnë sëmundjen e dobësimit të kockave me kalimin e moshës. Studimet kanë vërtetuar se jo vetëm ushtrime të caktuara, por specifikisht të vrapuarit ndihmon vajzat t’i kenë kockat më të forta. Pra është shumë e rëndësishme të vraposh sepse trupi juaj jo vetëm që do të ketë një formë të kënaqshme, por do të duket më pak i plakur me kalimin e viteve.

Vendose ne Facebook

Artikuj të ngjashëm:

• Vlerat e një gote verë
• Ushqimet që luftojnë celulitin
• Frutat e detit, ushqimi që ndez pasionin
• Mitet më absurde të ushqimit
• Si ndikojnë disa ushqime në organizmin tonë

Ka ardhur momenti që të reduktoni kilet e tepërta që keni dashur të humbisni prej kohësh. Por nuk dini mënyrat dhe këshillat më efikase që do t’ju ndihmonin të arrinit qëllimin final. Kile të tepërta që ju bezdisin dhe që nuk ju bëjnë të ndiheni mirë apo të dukeni bukur, qoftë në face book apo në shoqërinë tuaj. Nëse do të merrni parasysh konsumimin e disa prej produkteve të caktuara dhe aktiviteteve të duhura sportive, atëherë, me pak vullnet do të mundni të realizoni qëllimin tuaj

Konsumoni shumë ujë
Pijet e forta energjike, qoftë edhe birra e lehtë përmbajnë shumë kalori. Ndaj ato janë të parat që duhen eliminuar. Ndërkohë pijet e tjera si cola apo edhe ato me fruta janë të pasura në karbohidrate dhe sodium, duke ju ngopur me përbërës jo shumë të shëndetshëm.
Ujë nga ana tjetër është më se i këshillueshëm. Ai ka zero kalori dhe thuajse shumë pak sodium duke bërë të mundur rregullimin e metabolizmit në mënyrën më të mirë të mundshme. Nëse do i shtohej pak limon humbja në peshë do ishte më e lehtë.

Bukë të bardhë dhe makarona
Të konsumuarit e produkteve si oriz, makarona apo edhe bukë të bardhë janë të rekomandueshme, sepse ndihmojnë në fortësimin e indeve dhe janë produkte të cilat shpërbëhen më lehtë si karbohidrate të mirëfillta. Kështu dietologët sugjerojnë përdorimin e tyre nëse dëshironi të humbisni peshë, pasi të konsumuarit e tyre ju bëjnë të ndiheni e lehtë dhe jo e uritur.

Merruni me aktivitet çdo ditë
Çdo lloj pune apo aktiviteti do t’ju ndihmonte të reduktonit kilet e duhura. Megjithatë aktivitetet e duhura që do t’ju këshilloheshin do ishte fitnessi në palestër, kërcimi në litar, vrapi që do ishte më se i duhuri, apo edhe shëtitje të lira me hap të shpejtë. Nëse do të frekuentonit palestrën ushtrimi më i mirë për të humbur kile është pikërisht spinning. Është edhe një nga ushtrimet më të zhvilluara nëpër palestra aktualisht, që do të thotë se ndihmon vërtet në djegien e kalorive të tepërta.

Konsumoni gjithmonë një kafe
Kafeja është jo vetëm një nga pijet më energjike që stimulon përqendrimin dhe si rrjedhojë produktivitetin, por ju bën të ndiheni më pak të uritur. Ndaj është mirë konsumimi i një filxhani kafeje qoftë me qumësht ose jo për të marrë energjinë e duhur dhe për të qenë më aktiv. Kështu nuk do të jetë e nevojshme të ngrënit e ndonjë sanduiçi i cili sigurisht do t’ju jepte energji për aktivitetet e ditës. Me një filxhan kafe, do e kuptoni që do humbisni kalori pa u stërmunduar shumë.

Flini të paktën shtatë orë
Gjumi është një nga ndihmuesit më të mirë për të reduktuar disa kile. Në qoftë se nga shpejtësia, dhe mungesa e kohës nuk keni ngrënë mëngjesin, gjumi i bërë në masën e duhur do i zëvendësonte më së miri kaloritë e nevojshme. Sa më i parehatshëm të jetë gjumi aq më keq do të jetë për organizmin tuaj dhe më e vështirë do të jetë humbja në peshë.

Sakrifiko të paktën një vakt
Reduktoni në mënyrë kategorike vaktet midis. Si për shembull konsumimin e çokollatës, patatinave, ëmbëlsirave të bëra në shtëpi apo edhe të gatshme të cilat shpeshherë i konsumoni para ose pas mbrëmjes. Në këtë mënyrë do të keni mundësi të hiqni kalori të tepërta dhe të panevojshme nga dieta juaj. Trupi juaj as që do e ndiente mungesën e tyre.

Konsumoni peshk
Peshku si gjithmonë është një nga ushqimet më të mira që jo vetëm ju bëjnë të ndiheni sa më të lehtë por i japin organizmit ushqyesit e duhur. I mbështjellë me nutrientë që forcojnë muskujt duke i dhënë lëkurës elasticitet. Sipas disa dietologëve mendohet se edhe konsumimi i një porcioni të vogël do të kishte efektet e duhura. Rezultati do të kuptohet menjëherë. Fytyra juaj do të ketë më shumë ngjyrë.

Evitoni pijet me gaz
Reduktoni në masë çdo lloj pije që është e gazuar. Ato jo vetëm që nuk ju ndihmojnë në arritjen e qëllimit por ju bëjnë të dukeni dhe ndiheni më të fryrë. Ndaj edhe pse të shijshme dhe në disa raste energjike këshillohet evitimi i tyre.

Kryeni marrëdhënie seksuale
Edhe në humbjen e disa kileve të tepërta marrëdhëniet seksuale janë një tjetër faktor që do t’ju ndihmonin. Gjatë aktivitetit çlirohen kalori vërtet të mjaftueshme si dhe substanca dhe hormone që ju bëjnë të ndiheni më të lehtë dhe çlirët emocionalisht. Kryerja e tyre të paktën tre herë në javë do ishte më se e mjaftueshme.

Vendose ne Facebook

Artikuj të ngjashëm:

• Vlerat e një gote verë
• Ushqimet që luftojnë celulitin
• Frutat e detit, ushqimi që ndez pasionin
• Mitet më absurde të ushqimit
• Si ndikojnë disa ushqime në organizmin tonë